පොඩි අයියා

පොඩි අයියා අප හැර ගිහින් දැන් අවුරුදු 8 ක්. කොයි දේත් පිලිවෙලකට කරපු පොඩි අයියා කිසිම දෙයක් පිලිවෙලකට කරපු නැති මට කොයි තරම් අවවාද දෙන්න ඇතිද?මම ඒවා පිලිපදින්නෙ නැති බව දැන දැනත් අන්තිම දවස වෙනකනුත් මට මොකක් හරි දෙයක් කිව්වා.
එකඟ නොවීමට එකඟ වෙලා හිටි අපි දෙන්නා මොනතරම් දේවල් ගැන කතා කරන්න ඇතිද? අපි දෙන්නා වයසට ගිහින් වැඩි දුර ගැඹුරින් සාකච්ඡා කරන්න පැත්තකට කරපු මාතෘකා කොච්චර ඇතිද? ඒවා ගැන කතා කරන්න කොහේ හරි තැනකදී මට අයියාව ආපහු හම්බ වේ යයි කොයි වෙලෙත් හිත කියනවා.
අයියේ උඹ දැන් අවුරුදු 7 -8 ක පුංචි කොල්ලෙක් ( කෙල්ලෙක්) ද? එහෙමත් නැත්තම් අපි එනකම් කොහේ හරි ඉඳන් බලා ඉන්නවද? උඩක් යටක් නැති බව දැන දැනත් මට අහස දිහා බැලුවම උඹව මතක් වෙන්නේ ඇයි?
හිතාගන්නවත් බැරි දේ තමයි, උඹ වගේ සංවේදී එකෙක් ඇයි ‘බිස්නස්’ කරන්න හිතුවේ කියන එක. ඇයි ඒක උඹට නොගැලපෙන බව දැන දැනත් කවුරු නැතත් මම වත් උඹට මොනවත් නොකීවේ කියන එක.
ගොඩනැගිලි ද්‍රව්‍ය වගේ රළු දෙයක් විකුණන එක උඹට එපා වුන එක පුදුමයක් නොවෙයි.
කලබලේ වැඩ දාහක් මැද සිමෙන්ති , ගල් ,වැලි අතරින් පැනලා ගිහින් නාට්‍යයක් බලපු, කෞතුකාගාරයක් ඇතුලට රිංග ගත්තු, පරණ ඉස්කෝල පෙල පොතක් දැක්කොත් ඒක අරන් ඇවිත් “මේ ඒ කාලෙ පොත්” කියලා දුවට පෙන්නපු, උඹ ලිස්සලා අපෙනුත් පැනගත්තාද?
ඔයා ගියාට පස්සෙ මොන අපහසුකම් තිබ්බත් අද වෙනතුරුත් කිසි දෙයක් වැරදුනේ නෑ ඔයා ගෙ ගෙදර අයට. දූරු දෙන්නගෙ ඉස්කෝල ප්‍රශ්න විසඳුනා.ලොකු ආර්ථික කරදර තිබ්බෙ නෑ. ඒගොල්ලන්ව කවුරුත් අත හැරියේ නෑ. හැම දේම හොඳයි, ඒකමයි දුක වැඩි.
ඔයා විතරමයි අඩු! කට්ටිය ඉස්සර වගේ ආයේ එකතු වෙන්නේ නෑ. ඔයා වගේ ආදරෙන් අම්මා බලාගන්න මට තේරෙන්නේ නෑ. ඔයා ඉන්න තැන තිබුන එලිය විතරමයි අඩු.
ඔයා හිටි කඩයත් අන්තිමේදි එතනින් අයින් වෙලා.ඉස්සර එතනින් යන වෙලාවට මම යාන්තමට එතන පෙනෙන්න නොපෙනෙන්න බලනවා. ඔයා එතන ඉන්නවයි සිතාගන හිත රවට ගන්නවා.

යනෙනා විටදි නුඹ හිටි පොඩි කඩය ලඟින්
යටැසින් හොරෙන් බලනෙමි මම නෙතු කොනකින්
ඇසිපිය හෙලන නොහෙලන එක් අසුරු සැණින්
පෙනිලා නොපෙනිලා ඇවිදින් යන්න වරෙන්

මැරුණාම ආයෙ උපදින්නෙ තමනුත් නොවෙයි තමන් නොවෙයිත් නොවෙයි වගේ කතාවක් බුද්ධාගමේ කියලා තියන බව මම දන්නවා.ඒත් මට සහතිකයි මට නම් ඔයා කවදා හරි හමුවෙන බවට.එන සැරේ පොඩ්ඩක් අපිලිවෙලට ඉඳපන්. හුඟක් දේවල් ගැන ගොඩක් දුරට හිතන්න එපා. ඒත් මතක ඇතුව කම්මුල් වල ගැහෙන හිනාව අරන් වරෙන්!

Advertisements

One response to “පොඩි අයියා

  1. ඔයාගෙ මෙ බ්ලොග් පොස්ට් එක බලද්දි මට ගොඩක් දුක හිතුන, මටත් තියනව මෙවගෙ දුක හිතෙන අතීතයක්, ඔයාගෙ බ්ලොග් පොස්ට්ස් මම බෙල්ව ඒව මගෙ හිතට ගොඩක් වෙඩුන, තවදුරටත් මෙවගෙ හිතට දෑනෙන දේවල් ලියන්න ශක්තිය ලෙබේවා.

ප්‍රතිචාරයක් ලබාදෙන්න

Fill in your details below or click an icon to log in:

WordPress.com Logo

ඔබ අදහස් දක්වන්නේ ඔබේ WordPress.com ගිණුම හරහා ය. පිට වන්න / වෙනස් කරන්න )

Twitter picture

ඔබ අදහස් දක්වන්නේ ඔබේ Twitter ගිණුම හරහා ය. පිට වන්න / වෙනස් කරන්න )

Facebook photo

ඔබ අදහස් දක්වන්නේ ඔබේ Facebook ගිණුම හරහා ය. පිට වන්න / වෙනස් කරන්න )

Google+ photo

ඔබ අදහස් දක්වන්නේ ඔබේ Google+ ගිණුම හරහා ය. පිට වන්න / වෙනස් කරන්න )